Një grua 22-vjeçare nga Bangladeshi ka notuar përtej kufirit për t’u martuar me të dashurin e saj nga India. Ajo u përball me pyjet e egra të Sunderbans, notoi për një orë dhe hyri në Indi për t’u bashkuar me dashurinë e jetës së saj.
Gruaja e identifikuar si Krishna Mandal, u njoh me Abhik Mandal në Facebook dhe ra në dashuri. Duke qenë se Krishna nuk kishte pasaportë, ajo zgjodhi të kalonte kufirin ilegalisht.
Sipas burimeve policore, Krishna fillimisht hyri në Sundarbans, i cili njihet për Tigrat Mbretërorë të Bengalit. Më pas ajo notoi për rreth një orë në lumë për të arritur në destinacionin e saj.
Më pas Krishna u martua me Abhikun në Tempullin Kalighat në Kalkuta. Megjithatë, ajo u arrestua ditën e sotme për hyrje të paligjshme në vend.
Burimet thanë se Krishna mund t’i dorëzohet Komisionit të Lartë të Bangladeshit.
Në fillim të këtij viti, një adoleshent nga Bangladeshi notoi përtej kufirit për të blerë çokollatë nga India.
Eman Hossain notoi përtej një lumi të vogël dhe kaloi kufirin në Indi për të marrë çokollatën e tij të preferuar. Adoleshenti u dorëzua në policinë lokale dhe më pas u dërgua në gjykatë. Atij i është caktuar masa e paraburgimit prej 15 ditësh./Opinion.al
