Aktualitet

Gruaja në Berat thirrje shtetit:Zoti thotë ha,po jepu edhe atyre që s’kanë


Bëhu pjesë e Grupit Zyrtar të Opinion.al
>> KËTU <<
               Publikuar në : 17:24 - 19/02/21 |
Doriana Çepunaj

Drejtuesi politik i Partisë Demokratike në qarkun e Beratit, Tomorr Alizoti, ka vizituar këtë të premte një familje të rrënuar ekonomikisht, e cila banon pak metra larg sheshit të qytetit.

Zonja e cila është invalide si pasojë e një aksidenti, rrëfeu se bashkë me djalin jeton në një shtëpi që është e pabanueshme, pa ushqim, pa të ardhura dhe pa ngrohje për këto ditë të ftohta.

“Zoti thotë ha, por jepu edhe atyre që nuk kanë, se jemi njerëzit e zotit. Qeveria më kërkon taksa ndërkohë më jep 27 mijë lekë të vjetra. Unë i paguaj shtetit 60 mijë lekë. Kryeministri na tha se do t’ju japim shpërblim, as shpërblim, asgjë. Na tha që do ta bëjë 80 mijë lekë përkrahjen sociale, as përkrahjen nuk e bëri. Edhe me sobën e ndezur nuk u ngrohëm, jam e operuar nga këmbët, kam bërë aksident, i kam të dyja me hekur. Por KEMP-in nuk ma rregulluan, duan lek. Me 27 mijë lek çfarë të paguaj, ujin, apo dritat. Hekur nuk përdor, dush nuk përdor, korent nuk përdor, sepse nuk kam me çfarë t’i paguaj”?, tha ajo. “Për t’u larë ujin e ngrohim tek soba me dru dhe lahemi”, tha i biri.

Nga ana tjetër Alizoti tha se PD ka si mision të largojë qeverinë me votë.“Edhe unë në moshën e djalit tuaj kam jetuar në këto kushte dhe mbështetjen do e keni në maksimum. Ata nuk e dinë se çfarë është varfëria. Është mjerim, masakër dhe turp të ndërtosh poshtë në Berat rreth 3 milionë euro ku të flenë makinat dhe nuk kanë ku të flenë njerëzit. Ne kemi një mision, t’i përzemë me votë. Është fatkeqësi që poshtë derdhen miliona dhe këtu janë njerëzit pa bukë, ky është një tmerr. Ata janë njerëz pa shpirt, kanë qenë dhe do të jenë. Çdo njeri ka të drejtë për jetë dinjitoze dhe të rrisë fëmijët si gjithë bota”./Opinion.al

Pas