Eman Ahmed, nga Egjipti, besohet të jetë gruaja më e rëndë në botë. Të paktën sipas familjarëve të saj ajo peshon rreth 500 kile.
Eman për rreth dy dekada ka lëvizur shumë pak nga dhoma e saj e gjumit. Në pamundësi për të lëvizur dhe komunikuar me të tjerë, ajo e kalon ditën e bllokuar në shtëpi me familjarët ose me sytë nga tavani.
Sipas atyre që thotë motra e saj, Eman ka pësuar një goditje para dy vitesh, goditje e cila e ka vështirësuar lëvizjen e saj si dhe të folurën.
Megjithatë falë një fushate të nisur në rrjete sociale, familja e tyre më në fund sheh pak shpresë. Publiciteti që ju bë rastit të Eman ka tërhequr vëmendjen edhe të një kirurgu në Mumbai, Dr. Muffazal Lakdaëala, i cili ka marr përsipër mbledhjen e fondeve në mënyrë të ajo të fluturojë në Indi.
Ai ka planifikuar një seri operacionesh që mund të ulin peshën e saj në rreth 100 kile.
“Ajo ka luftuar me jetën që ditën e parë. Në këto momente ajo është si një bombë që mund të shpërthejë nga momenti në moment”- ka thënë doktori për CNN.
Sipas Librit të Rekordeve Guinness, gruaja më e rëndë në botë është Pauline Potter nga SHBA dhe peshon gati 291.6 kile. /opinion.al
