Një grua, e cila vuan nga një sëmundje e rëndë mendore, u gjet e mbyllur në një qilar nga policia.
45 – vjeçarja nga Xixia, në provincën e Sichuan të Kinës, që prej 2012 –ës, kishte qenë disa herë e shtruar nëpër spitale, por asnjë trajtim nuk i erdhi në ndihmë.
Ndaj, familja e saj gjeti “zgjidhjen” e vetme, duke e mbyllur në kafaz.
Ata pretendojnë se nuk kishin zgjidhje tjetër, përveçse ta mbyllim atë në qilar, për shkak të dështimit të vazhdueshëm të trajtimeve mjekësore.
Sipas “DailyMail”, që citon mediat lokale, sëmundja mendore e gruas klasifikohet si tepër e rëndë nga shteti. Ajo mësohet se në mënyrë të vazhdueshme kishte shkaktuar dëme tek fqinjët, duke u thyer xhamat e shtëpive e duke u dëmtuar makinat dhe pikërish kjo bëri që familjarët ta burgosnin.
Dy ditë më parë, një banor i zonës postoi këto foto të saj në qilar në rrjete sociale, me shpresën se do të gjendej një zgjidhje për të.
Kjo solli dhe reagimin e policisë, që e nxorri prej andej për ta çuar në spital, ku do të marrë mjekime të mëtejshme.
