Aktualitet

Gruaja e Mexhit Picarit:Dhëndri tentoi të na shtypte, ka torturuar gocën


Bëhu pjesë e Grupit Zyrtar të Opinion.al
>> KËTU <<
               Publikuar në : 12:59 - 05/06/21 |
Opi Nion

Bashkëshortja e Mexhit Picarit, Manushaqe Picari, ka folur ditën e sotme për mediat dhe ka treguar të vërtetat sipas saj për ngjarjen e rëndë ndodhur ditën e djeshme në kryeqytet, ku burri i saj vrau me breshëri plumbash brenda lokalit ish-dhëndrin.

Gruaja e autorit të krimit, rrëfeu për media se ish-dhëndri i tyre, Kudret Saliaj, ishte i dhunshëm dhe i kërcënonte të gjithë si familje shpesh herë.

“Na ka rënë në qafë përherë, na ka dhunuar si familje, e përzuri vajzën për çështje xhelozie, e çoi atjë në mal donte që ta groposte. Vajzën e arrestuan gjoja për dhunë në familje. Ke edhe kamerat atje, mund ta shihni, ka ardhur me forustradë të zezë dhe ka torturuar gocën. Tha goca ‘u frikësova, se ishte një kasolle e frikshme në mal’. Erdhi dhe në lokal tha se do na vriste, erdhi me kamion të na shtypte. “Do ju vras, do ju zhduk familjen”, na tha. Ne shkuam menjëherë në Vorë.

Ka qenë gjithmonë i dhunshëm. Jemi munduar t’i zgjidhim në gjykatë. Shteti nuk ec mirë. Kur dhunohet një grua, në vend që shtet të fusë burrin në burg, ka futur gocën. Pse të bëjë vajza burg? Në rajonin numër 4 nuk na merrnin dëshminë. Gocën e kanë rrahur dhjetë veta, i kanë thyer brinjët, para ca kohësh na tregoi vajza që e kishin rrahur. Burri ishte dy metra, si mund ta rrihte vajza ime atë? Vajza nuk ka pranuar që ti jepte divorcin, ne punojmë tre turne, e di e gjithë lagja, kam punuar gjithë jetën, dhe na ka futur dhëndri në hasmëri”, tha Manushaqe Picari.

Kujtojmë se ngjarja e rëndë ka ndodhur ditën e djeshme në afërsi të Gjykatës së Tiranës, ku babai I Dhurata Saliaj, Mexhit Picari, ka ekzekutuar me 5 plumba Kudret Saliaj, ish-burrin e vajzës së tij. E gjthë ngjarja ka ndodhur në sy të djalit të madh të ciftit, të cilët kishin sjellë në jetë 3 fëmijë./Opinion.al

Pas