Antoneta Myrtaj, 56-vjeç nga Memaliaj është shprehur e habitur se si ka mbijetuar pas dhunës ç’njerëzore që provoi mbi trupin e saj.
Krahas plagëve dhe dhimbjeve në kokë, ajo ndihet e rënduar edhe psikologjikisht.
Gruaja tregon tmerrin e përjetuar, duke shtuar se ishin kalimtarët që e shpëtuan nga dhuna e burrit te saj Ferik Myrtaj qe e qëllonte me sqepar.
Gruaja 56-vjeçare rrëfen mes lotëve se dhuna ka qenë vazhdimisht e pranishme në jetën e saj. Ç’është me e keqja 65-vjeçari Ferik Myrtaj nuk është penduar asnjëherë për veprimet e tij.
Çifti i bashkëshortëve kane 35 vite martesë dhe janë prindër të 3 vajzave. Rasti i fundit i dhunës makabre u regjistrua mbrëmjen e së dielës rreth orës 22:00.
Gruaja ndodhet nën kujdesin e mjekëve në Spitalin Rajonal “Omer Nishani” në Gjirokastër.
