LSI shpreh kundërshti në lidhje me kandidaturën e propozuar nga PS për Kavajën. Kjo është një farsë, deklaroi Luan Rama, ndaj LSI nuk do të bëhet pjesë e saj. PS caktoi si kandidate potenciale Silvana Dajën, bashkëshorten e kryetarit të PS Kavajës, Gentian Daja, njëherësh mik dhe partner në biznesmen me të larguarin Elvis Rroshi.
“Kavaja është një rast i çuditshëm, sepse bëhen zgjedhje për shkak të papërgjegjshmërisë në zgjedhjet e mëparshme dhe gabimit në zgjedhje dhe qytetarëve të Kavajës u jepet mundësia të korrigjojnë gabimin, që nuk e bënë.
Nga kjo pikëpamje duke qenë se është jashtë fokusit të situatës dhe meqë zgjedhja e kandidaturës është bërë në mënyrë të njëanshme mbetet cështje e PS dhe LSI nuk ka pse të implikohet.
LSI nuk merr pjesë në farsë, është e vendosur dhe do të ushtrojë kontributin që të zhvillohen zgjedhje me standarde Europiane.
Absurde që në 2017 një vend i NATO të zhvillojë zgjedhje pa opozitën” deklaroi Luan Rama.
