Emma Coronel, gruaja bukuroshe e Joaquin “El Chapo” Guzman doli nga burgu i Los Angeles, aty ku vuajti dënimin e saj.
Ajo u dënua me 3 vite burgim në vitin 2021, pasi u shpall fajtore për dhënie ndihme kartelit të Sinaloas. 34-vjeçarja pranoi gjithashtu si kishte bërë punën e korrieres mes Guzman dhe anëtarëve të tjerë të organizatës kriminale, kur El Chapo ishte në burgun meksikan të Altiplanos, pas arrestimit të tij në vitin 2014.
Gjykatësi tha se Coronel kishte pranuar shpejt përgjegjësinë dhe kishte rënë dakord të humbiste gati 1.5 milion dollarë të ardhura nga aktiviteti i saj kriminal për qeverinë e SHBA-së dhe dënimi i saj tre-vjeçar më vonë u reduktua.
Byroja e Burgjeve tha në faqen zyrtare të internetit se do të lirojë Coronel të mërkurën nga një institucion izolimi i sigurisë së ulët në Los Angeles, pa dhënë detaje të mëtejshme.
Ndërkohë, Guzmán po vuan një dënim të përjetshëm në SHBA pasi u ekstradua atje në vitin 2017 pas dy arratisjeve nga burgjet meksikane të sigurisë maksimale, një herë duke gërmuar një tunel të gjatë nga qelia e tij.
Coronel ka dy vajza me Guzman, të cilin e takoi kur ishte Mis meksika dhe u martua me të në vitin 2007 në moshën 18-vjeçare.
