Një grua, hebre ruse nga qyteti i pushtuar i ukrainas, Lugans, e njohur në rrjetet sociale si Vajza e Donbasit, ka transmetuar besnikërisht propagandën e Kremlinit për muaj të tërë.
Por në realitet, ajo është Sarah Bils, një 37-vjeçare e divorcuar nga Nju Xhersi dhe një veterane e marinës amerikane, e cila shërbeu si teknike e elektronikës së aviacionit në Ëhitby Island në shtetin e Uashingtonit.
“Vajza e Donbasit” u shfaq pasi Rusia nisi pushtimin e saj në Ukrainë në shkurt të vitit të kaluar.
Ajo krijoi ndjekës të konsiderueshëm në platformat e mediave sociales: Tëitter, Telegram dhe YouTube, duke u shfaqur si fytyra e propagandës ruse, duke mbledhur para dhe duke shitur mallra për kauzën ruse.
Dhe sipas Ëall Street Journal, llogaria Telegram luajti një rol kyç në shpërndarjen e dokumenteve të inteligjencës që supozohet se u zbuluan nga Airman First Class Jack Teixeira. Vetë 37-vjeçarja e ka mohuar këtë.
“Unë padyshim e di gravitetin e materialeve të klasifikuara top-sekret. Ne nuk i zbuluam ato”, tha ajo.
Duke përdorur pseudonime të ndryshme duke përfshirë CheburekiVibes, MeatballSubZero, YuGopnik, GhostofLugansk, ajo ka grumbulluar 135,000 abonentë në podcast-in e saj në të cilin transmeton me një theks “rus”.
Disa nga llogaritë e saj në Tëitter u pezulluan, por pa frikë ajo ndërtoi perandorinë e dezinformimit të Donbas Devushka – e quajtur “vajzë dhe mace kundër gjithë botës”.
Zonja Bils është demaskuar nga Organizata Fella e Atlantikut të Veriut – NAFO – e cila i përkushtohet mbledhjes së fondeve për Ukrainën dhe luftimit të dezinformimit.
Ajo gjithashtu krijoi një kanal në YouTube korrikun e kaluar dhe më pas një llogari tjetër në Tëitter, nën titullin @Luganskforlife.
Ajo gjithashtu, në rrjetet sociale, pretendon se është eksperte e gjeopolitikës dhe historisë. Në një profil, zonja Bils thotë se po studion në Shkollën online të Politikës dhe Studimeve Globale në Universitetin Shtetëror të Arizonës.
