Një grua 126 vjeçare është bërë personi më i vjetër në botë që ka mundur COVID-19, të paktën sipas dokumenteve zyrtare.
Eşe Gebelek jeton në provincën juglindore të Kahramanmaraş në Turqi. Mediat vendase raportojnë se të dhënat personale në pasaportën e saj tregojnë se ajo ka lindur më 1 korrik, 1894. Vetë ajo thotë se nuk ka asnjë ide për moshën e saj të vërtetë.
Më 20 prill ajo u dërgua në spital pasi kishte temperaturë të lartë dhe më vonë u diagnostikua me COVID-19. Megjithatë pas dy javësh, një prej të cilave në terapi intensive, Gebelek u shërua plotësisht.
“Ata u kujdesën për mua, më trajtuan mirë,” tha Gebelek, duke falënderuar mjekët dhe infermierët në spital. Hamdullah Gelebek, fëmija më i vogël i saj, tha se ushqimi organik është sekreti i nënës së tij për një jetë të gjatë.
Ajo ka 13 fëmijë, 83 nipër e mbesa dhe rreth 400 pasardhës, duke llogaritur edhe fëmijët e tyre.
Para Eşe Gebelek, një grua 113 vjeçare në provincën verilindore të Spanjës ishte personi më i vjetër që mundi virusin, sipas të dhënave zyrtare. /Opinion.al
