Dy ditë pas vdekjes së një 18 vjeccari në rrugën Skelë-Uji i Ftohtë, policia e Vlorës, ka arrestuar dy punonjësit e firmës që kryente punimet në këtë aks.
Bëhet fjalë për shtetasit Ilirian Tahmazi, me detyrë Përgjegjes i Sigurimit Teknik dhe Tomorr Cena, me detyrë Inxhinier Zbatues i Projektit.
Nga hetimet e kryera ka rezultuar se këta persona janë përgjegjës për shkelje të rregullave të mbrojtjes në punë.
Vazhdojnë hetimet për dokumentimin e plotë ligjor të ngjarjes si dhe për zbulimin e shkaqeve dhe rrethanave të aksidentit fatal.
