Kanë dalë sot në gjykatën e Vlorës për masën e sigurisë, dy inxhinierët e firmës që po kryen punimet në aksin Skelë-Uji i Ftohtë. Arrest ne burg caktoi gjykata për përgjegjësin e sigurimit teknik, Ilirjan Tahmazi, ndërsa për inxhinierin Tomorr Ceno u vendos masa e sigurisë arrest shtëpie. Trupi gjykues ishte i përbërë nga gjyqtari Laurant Fuçia dhe prokurori Saimir Smaka.
Të dy personat e akuzuar për shpërdorim detyre, Tomorr Cena dhe Ilirian Tahmazi kanë qenë prezent kur u dha masa ndaj tyre.
Një ditë më parë u la në arrest shtëpie me mbikqyrje elektronike 21 vjecari Petraq Beja i cili drejtonte makinen qe perfundoi ne gropen e Lungomares me pasojë vdekjen.
Në aksidenti fatal të të shtunës (26 nëntor) humbi jetën Kristi Panajoti 18 vjeç dhe mbeti i plagosur drejtuesi i mjetit. Makina BMW X6 ku të rinjtë udhëtonin ra në një gropë të madhe që ishte hapur në mes të rrugës. Familjarët akuzojnë firmën se nuk kishte vendosur sinjalistikë për punimet si dhe mungonte ndriçimi.
