Zvendës ministrja e Bujqësisë, Ermira Gjeci në një dalje për mediat njoftoi këtë të dielë se për të dytën ditë me radhë nuk është konstatuar asnjë rast i ri me influencën aviare në vendin tonë.
Ajo njoftoi se sëmundja është e përhapur në Durrës, Prespë, Dibër, Divjakë e Devoll. PO ashtu Gjeci9 theksoi se jemi në monitorim të vazhdueshëm të të gjithë territorit.
“Në 24 orët e fundit nuk kemi asnjë rast të ri të konfirmuar apo vatër infeksioni. Vazhdon monitorimi i vazhdueshëm në Organizatën Botërore të Shëndetit të Kafshëve mbi situatën epidemiologjike të shfaqjes së influencës aviare me qëllim marrjen e masave kufizuese për importin në vend. Jemi në monitorim të vazhdueshëm të të gjithë territorit.
Sigurojmë konsumatorin se ushqimet në tregun tonë, në qendrat e licencuara janë të sigurta. Nuk ka asnjë rrezik nga konsumi i mishit dhe vezëve të gatuara me temperature më të larta se 70 gradë Celsius siç është edhe procedura normale e gatimit”, tha zv/ministrja Ermira Gjeci./Opinion.al
