Situata alarmante në të cilën është vendosur Shqipëria për shkak të virozave të stinës së dimrit, coi deri në mbylljen e shkollave, kopshteve dhe cerdheve për të ndaluar një përhapje të mëtjeshme të epidemisë, ndërkohë që mjekët këshillojnë në mënyrë të vazhdueshme rrezikun e kësaj viroze vecanërisht tek fëmijët, gratë shtatzëna dhe të moshuarit, një tjetër diskutim që ngrit kjo virozë është ajo që lidhet me vaksinimin e popullatës.
Pas një denoncimi të bërë në FB nga përfaqësuesi i PD-së Bardh Spahia, sipas të cilit vaksina është prodhim kinez, pa asnje flete udhezues ne shqip, ka reaguar ISHP, që ka pranuar faktin se kjo vaksinë është prodhuar nga laborator në Kinë, por është konform rregullave të OBSH-së. Një tjetër pikë e diskutuar në këto ditë të kulmit të virozës, ka qenë afati i kryerjes së vaksinimit. A mund të kryhet vaksina, tani apo duhej të ishte kryer më parë?
Opinion.al, ka pyetur lidhur me këtë problematikë mjekun infkesionist Pëllumb Pipero dhe mjekun Tritan Shehu.
Për Tritan Shehun ka ardhur koha që vaksina të ofrohet falas për të gjitha shtresat në rrezik ku hyjnë gratë shtatzëna, të moshuarit dhe fëmijët, që përbëjnë një numër prej gati 500 mijë vetësh dhe që natyrisht nuk ka një kosto të vogël, por që duhet parashikuar në buxhetin e vitit të ardhshëm, ndërkohë që lidhur me bërjen e vaksinës në këto momente ai shprehet:
“Do ishte më mirë që vaksina të bëhej më parë se të niste epidemia, por mund të përdoret edhe tani, sepse do të jepte efeketin për një virozë të re. Me siguri do të kemi valë të tjera të virusit edhe në muajt janar dhe shkurt”, ka pohuar Shehu.
Edhe mjeku Pëllumb Pipero pohon se vaksina duhej të ishte bërë gjatë muajve tetor dhe nëntor, por nuk ka ndonjë kundërindikacion të përdorimit të saj në cdo kohë.
“Duhet kemi në konsideratë që vaksina është një parandalim i nevojshëm, vecanërisht për grupet e rriskut. Duke përdorur vaksinën nuk është 100% e sigurt, që gripi nuk të zë, por nëse bëhet vaksina kalohet më lehtë”, ka pohuar Pipero duke shtuar se mjekësia nuk është matematikë, por është probalitet dhe ekpepriencë e bazuar në rezultate të dëshmuara në rastin konkret nga përvoja e një viti të mëparshëm.
Edhe pse e ka cilësuar si një epidemi normale të gripit stinor, Pipero ka theksuar se cdo masë e marrë në këtë periudhë është e nevojshme.
“Kemi një epidemi normale të gripit stinor dhe nga kjo pjesë nuk ka asgjë të jashtëzakonshme. E jashtëzakonshme është që këtë vit ka nisur dy javë më parë, sepse moti është ftohur më shpejt. Nga ana epidemiologjike është problematike, nga ana pandemike është e zakonshme. Nuk duhet të bëjmë alarm, por duhen marrë disa masa që personat e prekur ta kalojnë sa më lehtë”, ka përfunduar Pipero.
