Një aventurë të rrezikshme ka kryer një burrë nga Berati i cili pasi është grindur me gruan ka marrë foshnjen 3 javëshe dhe është përplasur me makinë tjetër, duke përfunduar në kanal.
Ngjarja ndodhi në rrugën Lushnje-Berat dhe fatmirësisht fëmija ka shpëtuar.
Policia tha se Viktor Toska ishte grindur me bashkëshorten dhe ishte larguar nga shtëpia në fshatin Kumarak të Beratit, duke marrë me vete beben e sapolindur.
Në afërsi të Lushnjes, mjeti i tij u përplas me një furgon që udhëtonte nga Kuçova. Sipas policisë, burri ishte nën efektin e alkoolit.
Policia dhe zjarrfikësit ndërhynë në kohë për të nxjerrë nga mjeti 43-vjeçarin së bashku me foshnjen, e cila ndodhej në pjesën e sediljen e pasme të pasagjerëve, i futur në një shportë bebi.
Babai dhe foshnja ndodhen në spitalin e Lushnjes, jashtë rrezikut për jetën. /Opinion.al
