Klement Balili është shtruar në spital pas rëndimit të gjendjes shëndetësore për shkak të grevës së urisë.
Mësohet se Balili fillimisht është shtruar në spitalin e Elbasanit, por më pas ai është transferuar në spitalin e burgut në Tiranë.
Balili ka shfaqur shqetësime shëndetësore pasi raportohet se ai ka refuzuar ushqimin, si shenjë proteste për mos plotësimin e kërkesës për ndryshimin e sigurisë së bugut, nga siguri e lartë në siguri të mesme.
Po ashtu, në spital kanë përfunduar edhe Arbjon Aliko dhe Genc Balla. Aliko është kthyer në burg pas përmirësimit të gjendjes shëndetësore. Ai ka qenë pjesë e grupit që kundërshtuan me armë duke i marrë jetën efektivit të RENEA-s në Lazarat disa vjet më parë.
