Shokët e shqiptarit të vrarë në komisariatin grek të policisë kanë nisur një grevë 48orëshe në burgun e Trikalas.
Ata i kanë nisur një letër Ministrisë së Drejtësisë greke ku i kërkojnë sqarime dhe zbardhjen e të vërtetës për vdekjen e shqiptarit.
Në një intervistë telefonike për “News 24”, shoku i shqiptarit ka thënë se nëse nuk do ketë përgjigje, gjërat janë shumë të qarta dhe greva do të përshkallëzohet.
Sipas tij, Pellumb Marnikollaj ishte lënë i lirë para 3 muajsh teksa kishin 9 ditë që nuk kishin dijeni për fatin e shokut.
“Atij iu hodhën akuza kot, për ca vjedhje shpiash për ca gjëra që nuk i kishte bërë se mesa më ka thënë mua babai i tij kishte një linjë autobusësh dhe s’kishte nevojë as të vidhte as të grabiste”.
