Një fotografi e zbuluar nga arkivat e Universitetit të Uashingtonit thuajse i ka bindur konspiracionistët se “Greta Thunberg është një vajzë që ka udhëtuar në kohë”.
Fotografia që po qarkullon me shpejtësi në rrjete sociale së bashku me teori të ndryshme konspirative është shkrepur 121 vite më parë dhe në të shihen tre fëmijë që po nxjerrin ujë nga një pus në Jukon të Kanadasë, në vitin 1898.
Mirëpo ajo që ka tërhequr vëmendjen është vajza e re e cila ka një ngjashmëri në kufijtë e të pabesueshmes me aktivisten 16-vjeçare suedeze.
“Greta në një foto të parë 121 viteve. Ajo udhëton në kohë dhe ka ardhur për të na shpëtuar”, shkruajnë përdoruesit në Twitter.
Ndërsa një tjetër shton:
“Ndoshta është nga e ardhmja dhe udhëton në të shkuarën, në momente të caktuara historike për të ndaluar ndryshimet klimatike”.
Por nuk janë të paktë ata që shkruajnë se Greta ka një fuqi diabolike dhe nuk është normale.
“E dija që ka diçka që nuk shkon me atë djall. Ligësia i buron nga sytë. Nuk duam të na shpëtojë, të shpëtojë veten.”/Opinion.al
