Për shkak të masave të marra për kontrollin e pandemisë Covid-19, Greqia ka shtyrë sërish afatin për hapjen e kufirit greko-shqiptar deri në 14 qershor.
Sipas news 24, vijojnë kuotat e kufizuara të udhëtarëve që dalin nga Shqipëria dhe hyjnë në territorin grek. Lejohet të kalojnë vetëm personat që disponojnë leje qëndrimi në Greqi, kanë dyshtetësi, janë minoritarët grekë të Shqipërisë apo punëtorët sezonalë.
Në doganat greke do të lejohet kalimi i 400 persona personave nga Kakavija, 400 punonjës sezonalë nga Kapshtica, ndërsa për herë të parë nga marsi i 2020 hapet dogana e Qafë Botës me kapacitet deri në 250 persona në ditë.
