Greqia ka regjistruar 5,449 raste të reja me COVID-19, duke përbërë numrin më të lartë të infektimeve ditore që nga fillimi i pandemisë.
Gjatë 24 orëve janë regjistruar edhe 52 vdekje të reja, duke e çuar në 15,990 numrin e viktimave nga koronavirusi në vend, një numër shumë i lartë për një vend me vetëm 11 milionë banorë.
Zëdhënësi i qeverisë, Giannis Oikonomou, theksoi se prioritet është rritja e numrit të të vaksinuarve, ndërkohë që deri më tani është vaksinuar vetëm 60.5% e popullsisë.
“Për sa kohë që ka njerëz të pavaksinuar, virusi gjen terren pjellor për t’u përhapur”, tha ai.
