Edhe pse ka një përmirësim të situatës Covid në vend, qeveria greke ka njoftuar sërish rimbylljen totale të vendit duke filluar nga dita e diel për të paktën një javë. Ky vendim synon uljen e mëtejshme të rasteve, lehtësimin e sistemit spitalor dhe mundësinë e rihapjes së shkollave, parashikuar në 11 Janar.
Që nga nesër, në 6 në mëngjesit deri të hënën 11 janar, nuk lejohet lëvizja ora 9 në mbrëmje deri në pesë në mëngjes, me përjashtim të punonjësve dhe njerëzve që kanë nevojë për ndihmë mjekësore. Dyqanet tregtare do të qëndrojnë të mbyllura, ashtu si edhe libraritë dhe sallonet e bukurisë. Kishat do të qëndrojnë gjithashtu të mbyllura për shërbesat e së dielës. Qeveria greke u bëri thirrje qytetarëve që t’i përmbahen rreptësisht masave dhe të jenë të durueshëm për një javë, në mënyrë që shkollat të mund të rihapen, me nxënës dhe mësues që kthehen në klasa.
Zëdhënësi i qeverisë Stelios Petsas tha se kushtet epidemiologjike janë përmirësuar dhe janë dukshëm më të mira se shumë vende të tjera evropiane.
Petsas vuri në dukje se muajt e sakrificës nuk duhet të shkatërrohen nga disa ditë masash relaksuese, prandaj qeveria do të intensifikojë përpjekjet parandaluese në javën e parë vendimtare të Vitit të Ri.
