Pas shumë muajsh izolimi dhe beteje me pandeminë COVID-19, Greqia ka hequr një pjesë të madhe të kufizimeve.
Mediat greke njoftojnë kthimin e jetës në normalitet, për aq sa lejojnë kushtet epidemiologjike.
Nga e premtja në vendin fqinj do të hiqen kufizimet për udhëtimet ndër-rajonale, turizmin. Ora policore do të nisë pas orës 00:30. Dyqanet do të rihapen duke zbatuar një protokoll strikt duke ruajtur distancën mes klientëve.
Nga sot do të rihapen edhe muzetë dhe kazinotë. Me nisjen e sezonit turistik përcaktohen edhe disa nga rregullat për turistë të huaj. Veçanërisht në udhëtimet nga ishujt, qytetarët duhet të jenë të pajisur me certifikatë vaksinimi, të kenë test PCR negativ prej 72 orësh ose të kenë certifikatë që kanë kaluar Covidin nga 2 deri në 9 muaj më parë.
Përgjatë muajit qershor qytetarët mund të zhvillojnë edhe dasma apo ceremoni të tjera në ambientet e jashtme. Sa i përket kufirit me Shqipërinë, Greqia nuk ka marrë ende një vendim për datën e hapjes./Opinion.al
