Greqia njoftoi ditën e djeshme hapjen e kufijve për shqiptarët që duan të udhëtojnë drejt shtetit fqinj. Ndërkohë sot, Stacioni i Policisë Kufitare Kapshticë ka dhënë detaje se cilat kategori mund të kalojnë dhe me çfarë duhet të jenë të pajisur udhëtarët.
Sipas autoriteteve të Policisë Greke, do të lejohet hyrja për në Greqi, për shtetasit shqiptarë me pasaportë, shtetasit me leje qëndrimi greke, shtetasit e tjerë europianë, të cilët duhet të jenë të pajisur me testin e COVID-19 dhe të kenë të plotësuar formularin e regjistrimit PLF në adresën w.w.w.travel.gov.gr.Pasi të kenë marrë konfirmimin, do të lejohen për të hyrë në shtetin grek.
Do të lejohen gjithashtu të hyjnë në Greqi, mjetet e tonazhit të rëndë dhe autobusa, drejtuesit e të cilëve duhet të bëjnë regjistrimin e formularit PLF dhe duhet t’i nënshtrohen një testi të shpejtë COVID-19, pranë palës greke të kësaj pike kalimi. Pika e Kalimit Kufitar Kapshticë, do të funksionojë 24 orë, pa orar të limituar./Opinion.al
