E përditshmja greke “Kathimerini” shkruan sot se Greqia dhe Shqipëria kanë shtyrë për një kohë më të përshtatshme marrëveshjen dypalëshe midis tyre, që mendohet se është një kërkesë e kryeministrit grek Tsipras i cili ka kërkuar një moment më të qetë pas reagimeve që lindën në opinionin publik pas marrëveshjes me Maqedoninë.
“Shqipëria dhe Greqia shtyjnë për një kohë më të përshtatshme zgjidhjen e mosmarrëveshjeve dypalëshe”, shkruhet në artikullin e gazetës “Kathimerini”
Sipas gazetës ky vendim erdhi pasi presioni u shtua më së shumti ditët e fundit kur deputetë të opozitës greke kërkuan thirrjen me urgjencë të Komisionit për politikën e jashtme.
Deputetët grekë, në një letër drejtuar kreut të Komisionit për Politikën e Jashtme, Kosta Douzinas, e cilësojnë çështjen urgjente për shkak të informacionit se negociatat me Shqipërinë kanë arritur në një fazë kritike dhe rinegocimini i Marrëveshjes së Zonave Detare ka përfunduar.
“Kathimerini”, shkruan po kështu se vendimi i Cipras për shtyrjen e firmosjes së paktit me Tiranën ka për qëllim të ulë tensionet e brendshme deri në ratifikimin e plotë të marrëveshjes me Shkupin.
