Një 42-vjeçare shqiptare me banim në Greqi ka hedhur nga ballkoni nipin dhe mbesën, 2 e 7 vjeç dhe më pas është hedhur edhe vetë.
Fqinjët që dëgjuan fëmijët duke qarë dhe bërtitur dolën nga banesat e tyre dhe panë dy fëmijët të shtrirë në tokë dhe tezen duke tentuar të hidhet nga ballkoni.
Fëmijët na thanë: “ Tezja na hodhi nga ballkoni Unë dola duke dëgjuar fëmijët që qanin. Nëna ndodhej brenda në shtëpi dhe ishte në gjendje shoku. Natyrisht që gruaja nuk e kuptonte se çfarë kishte ndodhur me fëmijët e saj dhe po bërtiste ”, tha për protothema.gr një fqinj që doli nga shtëpia për të ndihmuar dy fëmijët e mitur të familjes .
“Tezja na tha hidhu nga ballkoni”, bërtisnin duke qarë fëmijët, që fatmirësisht janë jashtë rrezikut për jetën dhe po marrin trajtim mjekësor në spital.
“ Fëmijët bërtisnin. Ne dolëm dhe pamë tezen duke hedhur vazot me lule nga ballkoni, fëmijët ishin në rrugë dhe ajo që po përpiqej të hidhej vetë. Nuk arritëm ta ndalonim dhe ajo ra”, tha një fqinj tjetër për protothema.
