Televizioni grek “ANT1” të dielën u lajmërua për një bombë të vendosur në mjediset e këtij televizioni.
Telefonata në zyrat e televizionit erdhi rreth orës 20:00 (me orën lokale), duke paralajmëruar se pas një ore bomba do të shpërthejë.
Mediat greke tregojnë se forca të shumta policie kanë mbërritur në vendngjarje, duke rrethuar zonën dhe vendosur një perimetër sigurie.
Gjithashtu, po kryhen kontrolle për pako të dyshimta apo lëndë eksplozive.
Mësohet se pas shpërthimeve në televizionin “Skai” dhe Kishën “Shën Dionisi” në qendër të kryeqytetit, gatishmëria kundër sulmeve të vazhdueshme terroriste është shtuar në Athinë.
