Një shqiptar ka humbur jetën në një spital të Greqisë, ku ka qenë i shtruar me temperaturë të lartë dhe të vjella. Viktima është Dori Pepa nga fshati Kosovë e Madhe në Lushnje.
Të afërmit pretendojnë se vdekja ka ardhur për shkak të gabimeve të mjekëve. Sipas tyre, i riu shqiptar gjeti vdekjen sapo mjekët i bënë një gjilpërë.
Pepa kishte emigruar në Greqi gusht, por të afërmit nuk kanë lajmëruar ambasadën pasi sipas tyre nuk kanë besim tek kjo e fundit. Të afërmit kanë hedhur dyshimin në këtë vdekje të parakohshme dhe presin me padurim përgjigje lidhur me vdekjen e tij.
