Një 56-vjeçar shqiptar është gjetur i karbonizuar brenda një makine të djegur në ishullin Rodos të Greqisë.
Mësohet se viktima është i martuar dhe është babai i një vajze. Shqiptari, identiteti i të cilit nuk është bërë publik, është gjetur në sediljen e shoferit brenda makinës së tij tip Hyundai të shkrumbuar nga flakët.
Për shkak të djegies, 56-vjeçari nuk mund të identifikohej, por pas verifikimeve të bëra ndaj targës së makinave, u zbulua se i përkiste shqiptarit.
Nga hetimet e policisë greke ka rezultuar se 56-vjeçari kishte probleme financiare dhe ka të ngjarë që ai të ketë kryer një akt vetëvrasje.
Ndërkohë, autoritetet shprehen se ekziston një video ku shihet se flakët e makinës kanë nisur nga jashtë saj duke përfshirë më pas të gjithë automjetin./ Opinion.al E.Xh.
