Është shpallur qeveria teknike e Greqisë me kryeministër Ioanis Sarmas i cili ka kryer betimin pasditen e sotme.
Sarmas, u betua si kryeministër i një qeverie të përkohshme që do ta çojë Greqinë në një raund të përsëritur zgjedhjesh më 25 qershor.
Sarmas u betua në rezidencën presidenciale në prani të Presidentes së Republikës së Greqisë Katerina Sakellaropoulou.
Ai mori urdhrin për të formuar një qeveri të përkohshme nga Sakellaropoulou të mërkurën, pas takimeve të saj me krerët e tre partive kryesore greke. Të gjithë liderët hodhën poshtë mandatet për të formuar një qeveri koalicioni.
