Një ngjarje e rëndë ka ndodhur në Korinth, në Greqi. Një 45-vjeçar shqiptar është arrestuar pasi akuzohet se ka përdhunuar vajzën e mitur prej 5 vitesh.
E mitura 17-vjeçare dhe nëna e saj denoncuan në komisariatin e policisë se 45-vjeçari ka abuzuar seksualisht me vajzën e tij që kur ishte 12 vjeç.
Ajo i tregoi policisë se çfarë kishte ndodhur në vitet e fundit, ndërkohë që autoritetet shkuan në banesën e familjes dhe arrestuan 45-vjeçarin. Ndërkohë kanë filluar edhe hetimet mbi ngjarjen.
Vajza është dërguar për ekzaminim mjekësor në spitalin e Athinës, ndërsa shërbimet sociale po kujdesen për djalin e vogël të familjes.
Sipas mediave greke bëhet fjalë për një familje me katër anëtarë nga Shqipëria. Babai ishte pa punë kohët e fundit dhe nëna ishte e vetmja që punonte në familje.
Aktualisht 45-vjeçari ndodhet në Stacionin e Policisë Vrachati./Opinion.al
