Aktualitet

Greqi/Komuniteti i shqiptarëve: Vrasësi s’ishte shqiptar,të kërkohet falje


Bëhu pjesë e Grupit Zyrtar të Opinion.al
>> KËTU <<
               Publikuar në : 10:59 - 19/06/21 |
Opi Nion

Komuniteti i Emigrantëve Shqiptarë në Greqi ka reaguar për ngjarjen makabër të ndodhur rreth një muaj më parë, ku bashkëshorti mbyti gruan e tij 20-vjeçare në sy të fëmijës.

Teksa ka shprehur tronditjen për krimin e rëndë ata kanë kërkuar që nga mediat të kërkohet falje por njëkohësisht edhe të informohet publiku se vrasësi i Carolin nuk ishte as shqiptar dhe as gjeorgjian, pr vetë bashkëshorti i saj.

“Si të gjithë, ndjekim të shokuar zhvillimet e fundit në hetimet e vrasjes së nënës së re në Glika Nera, nga vetë bashkëshorti i saj. Shprehim ngushëllime të sinqerta dhe mbështetjen pa kushte ndaj familjes së viktimës 20-vjeçare, Caroline Crouch.

Njëkohësisht kërkojmë të përdoren menjëherë gjithë mekanizmat e shtetit për të siguruar një reagim të gjerë e për të dërguar pa humbur kohë mesazhin e duhur në çdo drejtim: Vrasësi i Caroline NUK ishte asnjë kriminel tepër i rrezikshëm shqiptar apo gjeorgjian.

Sërish media greke nuk humbi shansin të kultivojë me vullnet të jashtëzakonshëm stereotipin e “kriminelit të huaj, emigrant”, akt që nxit urrejtjen dhe racizmin në shoqërinë greke.
Dënojmë fort aktin e frikshëm të vrasësit 33-vjeçar, i cili për 37 ditë me radhë luante rolin e bashkëshortit të hidhëruar.

Kërkojmë që media greke të kërkojë falje në publik për shpifje dhe manipulim të përsëritur, duke shfrytëzuar shqiptarët në Greqi, me propagandë të vazhdueshme, pa asnjë bazë apo informacion zyrtar. Ndodh prej shumë vitesh tashmë, ndaj ka ardhur koha që ky kapitull të mbyllet njëherë e përgjithmonë, duke dënuar ashpër çdo autor përgjegjës!

Le të mos kultivojmë urrejtjen në shoqërinë tonë që është dëmtuar mjaft e ku mund dhe duhet të bashkëjetojmë të gjithë në harmoni. Le të jemi të bashkuar kundër çdo forme dhune, sulmi ndaj të pafajshmit e vulnerabëlit, kundër çdo akti kriminal, për një të nesërme më të begatë për të gjithë!”- shkruar në njoftim, nisur për mediat./Opinion.al

Pas