FMN-ja kërkoi sot një marrëveshje pa vonuar me europianët për ristrukturimin e borxhit grek, ose nuk do të marrë pjesë në programin e fundit të ndihmës në Athinë, që përfundon më 20 gusht.
“Është e qartë që koha po mbaron në aspektin që programi ndihmës i FMN-së të përkojë me atë europian”, deklaroi shefi i departamentit për Europën në FMN, Poul Thomsen.
“Programi europian përfundon në gusht. Pra, nëse programi i FMN-së duhet të jetë i aktivizuar, atëherë duhet të bëhet shumë shpejtë”,- shtoi Thomsen.
Europianët i kanë kërkuar prej tre vitesh FMN-së që t’i bashkohen planit të tretë të ndihmës për Greqinë, të nënshkruar në korrik 2015, që përkon me 86 miliardë euro hua.
FMN-ja dha në kërrik 2017 marrëveshjen e saj në parim për të marrë pjesë në program, por vetëm nëse eurozona pranon të reduktojë borxhin grek, që mbetet shumë i lartë (178% i PBB-së) dhe që Fondi e gjykon të pambështetshëm.
