Një 17 vjeçar shqiptar është arrestuar në Greqi për fyerje të simbolit kombëtar.
Ai ka publikuar në rrjete sociale një foto të shkrepur në portin e ishullit Pakson në Korfuz, në të cilën ka qenë duke formuar shqiponjën me duar nën flamurin grek.
I mituri është identifikuar nga organet policore të ishullit dhe do të dënohet për gjestin e tij. Mediat greke e kanë konsideruar foton e 17 vjeçarit si një sfidë të re dhe provokim që identifikohet më idenë e “Shqipërisë së Madhe”.
Nga hetimet u zbuluar gjithashtu se shqiptari nuk kishte dokumente dhe po qëndronte në mënyrë ilegale në shtetin fqinj. Prokurori i Korfuzit ka urdhëruar deportimin e menjëhershëm të tij, duke mos marr parasysh faktin se është i mitur.
Dy javë më parë shtatë rekrutët shqiptar në ushtrinë greke janë dënuar me 60 ditë burg për foton ku ishin duke formuar shqiponjën me duar./ opinion.al
