Policia greke ka identifikuar autorin e vrasjes së 51-vjeçarit shqiptar në Selanik.
Sipas mediave greke, autori mësohet të jetë gjithashtu me origjinë shqiptare dhe i njohur për policinë, pasi dyshohet të ketë precedentë të mëparshëm penalë.
Burime policore, raportuan se kanë arritur të identifikojnë autorin nga targa e makinës me të cilën ai udhëtonte.
Mediat greke kanë publikuar një foto të autorit në media dhe raportojnë se hetimet për gjetjen e tij janë duke vazhduar, por deri më tani ai mbetet ende i zhdukur.
Kujtohet se ngjarja ndodhi ditën e djeshme pak minuta para orës 13:00, pranë një pike karburanti.
Ndërkohë, një kamera sigurie ka filmuar momentin e vrasjes. Në pak sekonda shfaqet 50-vjeçari jashtë automjetit, i cili tenton të qëlloj drejtuesin me një send në fort, por sapo tërhiqet, autori qëllon 3 herë me armë zjarri nga brenda makinës dhe viktima bie në tokë, duke gjetur vdekjen e menjëhershme./Opinion.al
