Detaje të reja kanë dalë në lidhje me 30-vjeçarin shqiptar Esmin Ferhati i cili u qëllua në këmbë nga punonjësja e policisë greke pasi e sulmoi këtë të fundit me kaçavidë.
Këtë herë bëhet fjalë për disa përgjime të publikuara në media greke “Protothema”..
Policët e NënDrejtorisë së Sigurisë së Athinës,kanë filluar të monitorojnë grupin kriminal të shqiptarit “Esko” që nga 11 korriku 2021.
Vajza 22-vjeçare e cila pritej të bëhej police këto dite ishte pjesë e organizatës kriminale, duke shërbyer si informatore e lëvizjeve të policisë për grupin kriminal.
Mediat greke shkruajnë se është i njëjti person që kishte anuluar operacionet e policisë për arrestimin e shqiptarëve, të cilët i kishin kthyer rezidencat studentore të Universitetit në një strehë kriminale.
Siç mësohet, më 28 janar 2022, e reja njofton në mënyrë të koduar kriminelin Vasil se një operacion policor ishte i pashmangshëm.
Rreth orës 21:30, oficerët e policisë së OPKE kanë shkuar në komisariatin e Zografou për të përgatitur forcat për një aksion të ardhshëm për arrestimin e të arratisurit Esmin Ferhati. Në atë kohë, e reja ishte një punonjëse e provës në AT Zografou. Në orën 00:02 të datës 29 janar 2022, punonjësja e policisë në provë ka kontaktuar me telefon Vassilis Vasilin dhe nga biseda rezulton se ajo e ka informuar me terminologji të koduar se Esmin Ferhati po monitorohej nga autoritetet policore.
Një pjesë e bisedës
Vasil: Hajde
Gjeorgjia: Më lejoni t’ju them, çfarë po bëni?
Vasil: Këtu ulemi po na cmendin me …kush eshte ai? Përshëndetje.
Gjeorgjia: e mbani mend atë herë që shkuam në karting dhe Aju ishte gjithashtu atje?
Vasil: po Gjeorgjia: dhe a do të vinte edhe shoku i tij Xhani?
Gjeorgjia: Gjoni miku i tij
Vasil: kush eshte shoku i Gjonit?
Gjeorgjia: shoku i tij Janis Vasil: ah
Gjeorgjia: ka ikur apo këtu?
Vasil: Nuk e di pse?
Gjeorgjia: eh, të kesh kujdes me makinën. Sepse ti me the qe nuk ka goma te mira.
Vasil: në rregull”.
Gjashtë minuta më vonë, në orën 00:08 të datës 29 janar, banditi, pas telefonatës me oficeren e policisë në provë, kontakton vëllain e tij Esco dhe e informon për operacionin e autoriteteve policore. Në orën 00:15, Vasili, ka shkuar te porta e kampusit dhe pasi kanë biseduar me Esmin Ferhatin janë futur në kampus ku kanë humbur gjurmët. Menjëherë dhe pothuajse në të njëjtën kohë Esmin Ferhati, i njohur ndryshe me emrin Esko është larguar me vrap nga shtëpia, pasi vendi është vëzhguar fillimisht nga Atzou dhe një person tjetër i panjohur para mbërritjes së forcave të policisë”.
