Një shtetase shqiptare është vënë në pranga nga policia e Selanikut. Ajo akuzohet si koka e një organizate kriminale e shpërndarjes së drogës.
Aksioni ka ardhur pas një hetimi të detajuar të policisë teksa në momentin e arrestimit, 32-vjeçares i është gjetur vetëm një sasi e vogël kanabisi.
Ndërsa në shtëpinë e saj, pas kontrollit, janë gjetur rreth 42 kg kanabis dhe rreth 15.500 euro para të thata cash. Ambienti në fjalë përdorej nga e 32-vjeçarja si “hambar” për të ruajtur drogën.
Në total, policia sekuestroi 42 kg kanabis, 15.525 euro, rreth 10 gramë kokainë, dy peshore precizioni elektronike, si dhe dy telefona celularë.
