Policia e Janinës në Greqi ka arrestuar një 24-vjeçar shqiptar ditën e sotme pasi u kap me një sasi lënde narkotike të llojit kanabis sativa.
I riu po udhëtonte me autobus të linjës greke dhe u ndalua në Janinë gjatë një kontrolli të policisë, kur u zbulua se kishte fshehur në çantën që mbante në bagazh, 12.5 kilogramë kanabis sativa.
Lënda narkotike ishte ndarë në 12 pako.
Emri i të arrestuarit nuk është bërë i ditur, por mësohet se ai po udhëtonte me dokumente jo ligjore.
