Është rritur numri i viktimave dhe i rasteve të reja me COVID-19 në Greqi. Autoritetet shëndetësore bëjnë me dije se gjatë 24 orëve të fundit janë regjistruar 80 viktima, ndërsa janë shënuar dhe 8129 persona të infektuar.
547 janë pacientët e intubuar në spitale që vijojnë betejën në gjendje të rëndë. Numri i pacientëve të rinj të shtruar në spital arriti në 450.
Që nga fillimi i pandemisë në Greqi janë regjistruar gjithsej 16.923 vdekje. Nga pacientët e intubuar, 455 janë të pavaksinuar ose pjesërisht të vaksinuar dhe 92 janë plotësisht të vaksinuar./ Opinion.al
