Një 40-vjeçare shqiptare është gjetur e vrarë me thikë në Athinë.
Sipas mediave greke, 40-vjeçarja është gjetur në rrugë me plagë në bark, ndërsa pranë saj ndodhej edhe thika me të cilën është vrarë.
Grupi hetimor deri më tani ka përjashtuar pistën e vrasjes për grabitje, pasi 40-vjeçares shqiptare i është gjetur çanta e paprekur me sendet personale, portofoli dhe celulari.
Dyshohet se autor i vrasjes mund të jetë bashkëshorti i saj. Sipas mediave greke pas vrasjes fshihet një histori dhune në familje, pasi 40-vjeçarja kishte denoncuar të paktën një herë më parë dhunën nga bashkëshorti.
Autoritetet policore janë njoftuar nga një kalimtar i rastit i cili ka parë trupin e gruas të shtrirë në tokë rreth orës 05:00 të mëngjesit të 16 majit.
Ai pretendon se ka parë edhe momentin kur gruaja është plagosur dhe pritet të merret në pyetje nga policia për të dhënë më shumë informacione dhe detaje që mund të çojnë në kapjen e autorit.
