Një 35-vjeçare shqiptare në Greqi ka rënë pre e një mashtrimi nga një i panjohur, i cili i ka marrë 8968 euro nga llogaria bankare.
Sipas mediave greke, gruaja shqiptare e cila jeton në Rodos prej disa vitesh, u mashtrua nga një i panjohur, i cili e telefoni nga një celular me numër grek.
Sipas dëshmisë së gruas, personi i ka telefonuar dhe i është prezantuar si kontabilist. Ai e ka bindur 35-vjeçaren shqiptare se i takonte kompensim, por për pagesën duhet të ndiqte një procedurë të cilën do ta drejtonte ai.
Duke mos dyshuar se kishte të bënte me një mashtrues, 45-vjeçarja ndoqi udhëzimet e tij dhe pa dashur i dha akses në llogarinë e saj bankare.
Mirëpo, më vonë ajo zbuloi se tre transferta të shumave prej 2.998, 2.990 dhe 2.980 euro i kishte bërë në të njëjtin numër llogarish të një banke tjetër.
Policia po heton për identifikimin e përfituesve të tre llogarive, si dhe kontabilistin që mashtroi 35-vjeçaren./Opinion.al
