Prej disa ditësh Greqia është duke regjistruar një rënie të numrit të të infektuarve me koronavirus. Megjithatë nga ana tjetër, numri i rasteve fatale vijon që të jetë i lartë pasi gjatë 24 orëve të fundit humbjet e jetës ishin 95.
Autoritetet e shëndetit në shtetin fqinj bënë të ditur se numri i të infektuarve për ishte 10,783, prej të cilëve 55 u regjistruan në kontrollet në pikat hyrëse të vendit. Kurse numri total i të infektuarve në vend që nga fillimi i pandemisë është mbi 1.6 milionë, prej të cilëve 49.8 për qind janë meshkuj.
Ndërsa, sa i përket rasteve të konfirmuara në shtatë ditët e fundit, 506 kanë lidhje me udhëtimet jashtë dhe 2,146 të tjera janë raste kontakti.
