Delegacioni amerikan pjesë e së cilit është edhe i dërguari special i presidentit Tramp, Riçard Grenell, kanë nënshkruar sot një tjetër marrëveshje bashkë me Kryeminsitrin Avdullah Hoti.
Marrëveshja është nënshkruar mes të kryeministrit Hoti dhe shefit ekzekutiv të Korporatës Ndërkombëtare të Financave të Zhvillimit të SHBA-së (DFC) Adam Boehler.
“Sot ishim të nderuar të presim në qeveri, delegacionin e kryesuar nga Grenell për zbatim të marrëveshjes të arritur në Uashington. Prezenca e tyre tregon vendosmërinë e presidentit Tramp, për zbatimin e një marrëveshjeje historike, drejt finalizimit. Kishim bisedë të gjerë për të gjitha pikat e marrëveshjes dhe e kam për nder ta them se do të lëvizim shpejtë në zbatimin e kësaj marrëveshjeje. Do të lëvizim për normalizim të marrëdhënies politike. Do të hapë mijëra vende pune kjo marrëveshje ekonomike, jemi angazhuar si qeveri dhe presim në javët e ardhshme, të lëvizim në zbatim të marrëveshjes”, tha Hoti.
Nw konferencwn pwr mediat foli edhe Riçard Grenell i cili zbuloi edhe ‘porositë’ qw i kishte lwnw presidenti Tramp.
“Përshëndetje nga presidenti Tramp. Jam i shoqëruar nga shumë kolegë. E shikoni këtë prapa meje, ai është njeriu i parave ai e ka sjellë një çek të madh. Në fakt ende jo por do ta sjellë. Shumë premtime janë dhënë në të kaluarën dhe ajo se cfarë ne dëshirojmë të bëjmë është që të zbatojmë në përpikëmëri zotimet. Duam të ju tregojmë popullit të Kosovës se do të punojmë për zhvillim ekonomik. Do ta falënderoj kryeministrin dhe presidentin Thaçi për punën e tij të palodhshme në fillim të procesit. Do t’i sjellim këto projekte në jetë. Energji e vërtetë që do të sjellë kjo marrëveshje do të ndërrojë dinamikën. Presidenti Tramp më tha që të bëj një marrëveshje mes Serbisë dhe Kosovës që do të sillte dinamzizëm ekonomik. Simbolizmi nuk e paguan qeranë. Duhet që të sjellim zhvillim. Muajin tjetër do të vijë një ekip tjetër në Kosovë. Do të kryej fizibilitetin në liqenin e Ujmanit. Nuk do të ishim këtu pa presidentin Tramp. Ai më tha bëjmë dicka ndryshe për njerëzit. Pasi u nënshkrua marrëveshja ai më tha, tani shko zbatoje. Ai gjithmonë shtyn përpara proceset“, përfundoi ai.
Presidenti Hashim Thaçi e dekoroi me Medaljen Presidenciale të Meritave të dërguarin special të Presidentit të SHBA-së për dialogun Kosovë-Serbi, ambasadorin Riçard Grenell.
Thaçi tha se me këtë vlerësohet kontributi i jashtëzakonshëm i Grenell në dialogun ndërmjet Kosovës dhe Serbisë. “Atë që të tjerët s’e bënë, Grenell e bëri shpejt, mirë dhe saktë. Marrëveshja në Shtëpinë e Bardhë do të sjellë paqe dhe stabilitet në Kosovë dhe rajon. Jam krenar që kemi punuar ngushtë për rreth dy vite për të arritur këtë marrëveshje”, tha Thaçi./ Opinion.al
