“Sapo tarifat/reciprociteti të hiqen (ndoshta këtë javë), atëherë do të nisë dialogu i sinqertë. Kam biseduar me liderët në Serbi dhe Kosovë për t’ju bërë të qartë se ata duhet të nisin të krijojnë konfidencë përgatitore – dhe ata u angazhuan për këtë. Më shumë do të shohim së shpejti”.
Kështu është shprehur pasditen e së dielës përmes një publikimi në rrjetet sociale, dërguari i posaçëm i presidentit amerikan, Donald Trump për bisedimet e paqes Kosovë – Serbi, Richard Grenell.
Ky postim i Grenell pason në fakt një psotim të kryer më herët nga presidenti i Kosovës Thaçi, që shprehej se do të ndërmerrte hapat e fundit kushtetues javën e ardhshme, lidhur me krijimin e qeverisë së re.
Në publikimin e Thaçit, të cilin e shpërndan edhe Grenell, thuhet se: Tarifat dhe reciprociteti duhet të hiqen, në mënyrë që të forcohet mbështetja amerikane dhe ajo e BE-së në Kosovë./Opinion.al
