I deleguari i Presidentit Amerikan, Richard Grenell pritet që te henen të vizitojë Prishtinën. Ky takim vjen vetëm disa ditë pas marrëveshjes së nënshkruar në Shtëpinë e Bardhë mes Kosovës dhe Serbisë.
Raportohet se në këtë vizitë, së bashku me Grenell do të jenë edhe 13 zyrtarë tjerë amerikanë, të cilët do të prezantojnë projektet për Kosovën dhe rajonin në kuadër të marrëveshjes së arritur më 4 shtator.
Gjatë vizitës së tij në Prishtinë, Grenell do të takohet me përfaqësues politikë të Kosovës, ndërsa së bashku me të do të jetë edhe delegacioni i Korporatës Financiare amerikane për Zhvillim Ndërkombëtar (DFC).
Përveç Kosovës, Grenell dhe 13 zyrtarët e tjerë amerikanë do të vizitojnë edhe Serbinë, Greqinë dhe Izraelin. /Opinion.al
