Këshilltari i ish-Presidentit të Shteteve të Bashkuara të Amerikës, Richard Grenell ka kritikuar administratën e presidentit Joe Biden lidhur me sanksionet dhe qëndrimin e kësaj të fundit ndaj Rusisë pas pushtimit të Ukrainës.
Në një postim në rrjetin social “Twitter”, Grenell përmend dhe shpalljen non grata të ish-kryeministrit, Sali Berisha.
Grenell thotë se Biden ka shpallur non grata ish kryeministrin Berisha në Shqipëri, ndërkohë që nuk i ka vendosur asnjë sanksion të dashurës së Vladimir Putinit, ish-gjimnastes Alina Kabaeva.
‘Administrata e Joe Biden ka vendosur sanksione mbi liderin e partisë konservatore në Shqipëri, por jo mbi dashnoren e Putinit. Media amerikane është e falimentuar’, shkruan Richard Grenell në Twitter.
