Rrëzimi i avionit të Ethiopian Airline ditën e e djeshme shkaktoi vdekjen e 157 personave, ndërsa një grek i ka shpëtuar tragjedisë për vetëm dy minuta.
Antonis Mavropulos, president i Shoqatës Ndërkombëtare të Mbetjeve të Ngurta, një organizatë jofitimprurëse, do të udhëtonte për në Nairobi për të marrë pjesë në asamblenë vjetore të Programit të Mjedisit të OKB, por ai arriti në portën e nisjes vetëm dy minuta pasi ajo ishte mbyllur, kështu që fatmirësisht nuk e arriti dot fluturimin.
Avioni u nis drejt kryeqytetit të Kenias, por u rrëzua 6 minuta pas ngritjes në ajër duke rënë në afërsi të Adis-Abebws. Avioni, “Boing 737” kishte në bord 149 pasagjerë nga shumë vende të ndryshme dhe 8 anëtarë ekuipazhi por nga aksidenti tragjik ajror nuk pati asnjë të mbijetuar.
Antonis Mavropulos ka shpërndarë në rrjetet e tij sociale një fotografi të biletës, shoqëruar me një shkrim të gjatë, ku shpjegon se ndihet me fat dhe se vonesa e tij i shpëtoi jetën. Postimi i tij ka bërë xhiron e mediave botërore, dhe është shpërndarë mijëra herë.
“Më besoni, nuk kam fjetur mbrëmë gjatë gjithë natës. Kam shpëtuar për një fije, por duhet të them se atje ne humbëm shumë njerëz që i njihnim dhe kjo ndodhi në fraksion të një sekondi. E tmerrshme vetëm ta mendosh”, tha ai për mediat greke.
/Opinion.al
