Grekët sot votojnë në zgjedhjet parlamentare të parakohshme. Qytetarët do t’u drejtohen kutive të votimit të dielën mes pakënaqësive të mëdha ndaj Qeverisë së kryeministrit Aleksis Tispras për shkak të marrëveshjes për emrin me Maqedoninë Veriore dhe shpresës për një ndryshim të mundshëm.
Pikërisht ky ndryshim mund të rezultojë një zhvillim jo i mirë për Shqipërinë.
Një fitore e Demokracisë së Re, e cila parashikohet nga të gjitha sondazhet, do të bllokonte hapjen e negociatave të anëtarësimit me Bashkimin Europian. Lideri opozitar Kyriakos Mitsotakis paralajmëroi gjatë fushatës elektorale vendosjen e vetos ndaj integrimit të Shqipërisë.
Pavarësisht se sondazhet I japin Demokracisë së Re një fitore me mbi 33% të votave, ende nuk dihet nëse kjo forcë politike mund të qeverisë e vetme. Mitsotakis ka bërë me dije se nëse nuk arrin një maxhorancë të plotë, ai do të kërkojë zgjedhje të reja./ Opinion.al
