Granit Xhaka, mesushori shqiptar i Zvicrws, qw luan me Borusia M ushegladbahun nw kampionatin gjerman tw futbollit wshtw vwnw kohwt e fundit nw radarwt e gjigandit italian tw futbollit, Juventus.
Në selinë e kampionëve nw fuqi të Italisë është hartuar një listë e gjatë me emra të mundshëm, por pas kontakteve jo bindëse me futbollistë si Ilkai Gyndogan (Borusia Dortmund), Danilo Kataladi (Lacio), apo edhe Ever Banega (Sevija) e Adrien Rabiot (PSG), ideja e re dhe e përbashkët e drejtorit Xhuzepe Marota dhe trajnerit Masimiliano Alegri është emri i Granit Xhakës.
Mesfushori kosovar, por me pasaportë zvicerane, që aktivizohet për Borusia Mynshengladbah, është një tundim i fortë dhe disavjeçar në Torino. Kapiteni i klubit gjerman është ndjekur me vëmendje që kur ai hodhi hapat e parë si profesionist me bluzën e Bazelit, por, në verën e vitit 2012, ishte Gladbahu ai që fitoi konkurrencën me bardhezinjtë, duke paguar 9 milionë euro.
Juventusi gjithsesi pati mundësinë që ta studionte nga shumë pranë sivjet 23-vjeçarin, duke qenë se u përballën së bashku në grupet e Champions-it, ku paraqitjet pozitive të vëllait të Taulantit i bënë jo pak përshtypje Alegrit dhe njerëzve të merkatos juventine.
Por, ndërkohë, edhe pse konkurrenca rreth Granit Xhakës është bërë shumë e ashpër me klube si Bajerni i Mynihut, Atletiko e Madridit dhe Milani, media zvicerane nënvizon se Juventusi ka nisur kontakte serioze me mesfushorin duke përdorur edhe kartën Stefan Lihshtajner, mbrojtësin zviceran të Juves, i cili mund të bëjë edhe rolin e mediatorit të kësaj tratative.
Për sa i përket shifrës, italianët janë gati që të investojnë deri në 25 milionë euro për kosovarin dhe për t’i dhuruar kështu trajnerit Alegri një element tepër cilësor.
