Arrestohet një shtetas që u kap duke u kujdesur për bimët narkotike që kishte kultivuar në pyllin e fshatit Grazhdan në Gramsh.
Gjatë operacionit u arrestua në flagrancë, shtetasi M. H., 63 vjeç, teksa kujdesej për 35 bimët narkotike që kishte kultivuar në pyllin e fshatit ku banonte.
Shpallet në kërkim djali i të arrestuarit, mbi dyshime për përfshirje në veprimtarinë kriminale të kultivimit të bimëve narkotike.
Më tej, gjatë operacionit u krye kontroll në banesën e 63 vjeçarit, ku u gjetën 2 armë gjahu, 2 radio si të Policisë dhe 60 fishekë të kalibrave të ndryshëm, që posedoheshin pa leje.
Policia konfirmon se janë asgjësuar bimët narkotike dhe janë sekuestruar armët, radiot dhe municioni.
“Gjithashtu, në lidhje me këtë rast u shpall në kërkim shtetasi A. H., 33 vjeç, banues në Tiranë, pasi nga hetimet dyshohet se ka bashkëpunuar me babanë e tij, shtetasin M. H., për kultivimin e bimëve narkotike. Punohet për kapjen e 33-vjeçarit”, thuhet në njoftimin e policisë.
