Kreu i grupit parlamentar të Lëvizjes Socialiste për Integrim, Petrit Vasili i ka kërkuar kreut të Kuvendit Gramoz Ruçi të japë dorëheqjen nga drejtimi i grupit “Miqtë e Fëmijëve”. Kërkesa e Vasilit lidhet me debatin Balla-Basha në seancën e së premtes. Sipas Vasilit, Ruçi duhet të kishte dënuar Ballën, pasi ky i fundit në ligjërimin e tij politik nuk kurseu dhe vajzën minorene të Bashës.
Statusi i plotë i Vasilit në facebook
Ruçi jep doreheqjen nga “Miqte e femijve”,nuk denove Ballen,qe dhunoi verbalisht femijet.
Kryetari i Kuvendit Gramoz Ruçi nuk mundet më kurrsesi te drejtoje grupin e deputeteve “Miqte e femijeve”.
Nen drejtimin e tij,ne sy te tij si drejtues i seances kur Taulant Balla permendi ne menyre te ulet,ne dhunim te cdo etike, ne seance plenare ne sallen e kuvendit vajzen e vogel te kryetarit te partise demokratike Lulzim Basha.
Kryetari Ruçi s’levizi as gishtin perpara nje ndyresie te tille publike kunder femijve.
Eshte e turpshme dhe amorale qe Ruçi per hir te
konformizmit,besnikerise,servilizmit dhe varesise ndaj Partise jo vetem qe nuk e deboi ne cast nga salla Ballen,por as nuk e paralajmeroi.
Po Ruçi ka qene ai qe ka bllokuar parlamentin,ka futur Garden dhe ka bere hatane per nje fjale goje dhe ka perzene deputete nga salla.
Ndersa heshti kur u perfol nje femije.
Turp i madh qe nje femije perdoret ne mes te parlamentit, poshtersisht e politikisht nga Balla dhe Ruçi hesht.
Gramoz jep doreheqjen nga drejtimi i
” Miqte e femijve”.
Kjo eshte me e pakta qe mund te beje si politikan, si prind dhe si gjysh, ne te kundert s’perfaqson më asnjeren prej tyre dhe do te te mbetet vetem dashuria per sharlatanizmin e pagdhendur te Balles.
Deklarata e Ballaës në Parlament të premten
Kreu i grupit parlamentar të Partisë Socialiste, Taulant Balla, ka akuzuar kreun e PD, Lulzim Basha, se shkon me makinën e pronarit të kompanisë Victoria Invest për të vizituar banorët e Astirit.
“Kam një dosje, do ta jap kur të mbarosh. Çdo ditë ti shkon për të takuar banorët e Unazës me këtë makinë. Kjo tregon lidhjen tënde me kompaninë Victoria Invest, dhe të kujtoj që dhe një nga vajzat e tua e ka emrin Viktoria. Janë arsye të kumbarllëkut, kumbare e familjes tënde. Ngrije kokën ngrije,” tha Balla.
